استغاثة للسادة المحامين أرجوكم ساعدوني

أنا محامي حديث التخرج دفعة 2009 وعندي مشكلة كبيرة جدا
أنا عندي خط فاتورة في شركة اتصالات من الشركات الثلاثة في مصر
كان بيجيلي جوابات بالفاتورة التفصيلية اللي موضح فيها جميع الارقام اللي انا اتصلت بيها بعد كده عزلت وغيرت العنوان لعنوان تاني لان العنوان اللي انا كنت فيه حصلي فيه مشاكل كتيرة جدا وبعد كده كلمت الشركة وطلبت انها تغير العنوان بتاعي وبناء عليه الفواتير تيجيلي على العنوان الجديد اللي حصل ان الشركة بعتت الفاتورة برضه على العنوان القديم والفاتورة اتفتحت وحصلي مشاكل كتير جدا واتضريت لدرجة وصلت لدرجة الفضيحة وارقامي اهلي واهل بيتي وخطيبتي كل ده اتنشر في المكان القديم اللي انا كنت ساكن فيه واشتكيت كتير للشركة ومع ذلك الشركة فضلت برضه تجيب الفاتورة على العنوان القديم برغم اني مغيره
والشركة متجاهلاني تماما ومتجاهلة حقي في التعويض وبيتكلموا بمنتهى الاستخفاف ان ميهمهوش القضايا وعندهم شئون قانونية كبيرة جدا وبيعرضوا عليا تعويضات ملهاش اي قيمةزي 20 جنيه رصيد يتضافوا ليا
حقيقي أنا كرهت الشركة وكرهت الموبايل اصلا ودلوقتي أنا عايز أرفع عليهم قضية ومش عارف أبدأ منين وايه اللي يثبت حقي أنا في واحد نصحني اني اسجل مكالماتي معاهم اللي بيعترفوا فيها بالغلط اللي غلطوه في حقي بس هل المكالمات ده ينفع استخدمها في القضية بدون ميكون في اذن من النيابة؟؟ وهل تنفع على سبيل الاستدلال ولو مينفعش الحل ايه؟؟
أثبت حقي ازاي ده شركة كبيرة وأكيد هيعرفوا يغيروا في الحقيقة
ملحوظة الشركة اللي بتوصل الخطابات شركة معروفة بس هيا شركة بريد اصلا هل ينفع ده يفيدني في حاجة اني اجيب منهم ورقة ان العنوان اللي وصلوله العنوان القديم مش الجديد؟؟
طب وهل شركة الاتصالات متقدرش تغير العنوان بتاعي وترجعه للقديم تاني؟؟
بجد أنا حزين ومحبط جدا وشاعر بدرجة اهانة محدش يتخيلها وعايز حد يساعدني ويقولي ابدأ ازاي ومنين؟؟؟
ازاي اوصل لحقي وازاي أرد حقي وكرامتي؟؟

والله ده الشرف ليا أنا أنا تشرفت جدا برد حضرتك وشاكر اهتمامك
حضرتك أنا بلغتهم بتغيير العنوان عن طريق خدمة العملاء واللي حصل انهم بعتوا الفاتورة مع ذلك على العنوان القديم رغم اني وضحتلهم اني مبقتش مقيم فيه ومعنى ارسال اي فاتورة على هناك ان الله اعلم مين هيستلمها رد عليا الشخص اللي بيكلمني ان احنا غيرنا العنوان مستحيل تيجي على العنوان القديم تاني
اللي حصل انها جات على القديم برضه وقالولي ان في حد مضى باستلامها وانا معرفش مين استلمها اللي اعرفه الفضيحة اللي حصلتلي بسبب الموضوع ده

ومع العلم ان قبليها كنت قدمت شكاوي ان الفاتورة بتترمي جنب باب العمارة تحت ومش بتطلعلي البيت وبتتبهدل ومحدش استجاب ولما غيرت عنواني بعتوا على العنوان القديم


وحضرتك شركة التوصيل لما كلمتهم قالولي ده مش غلطتنا ده غلطة الشركة انها مبلغتناش بالعنوان الجديد وانت عقدك مش معانا عقدك مع شركتك

حضرتك انا مسجل مكالمات كتير مع الشركة عن طريق برنامج على موبايلي فهل ده تفيد في حاجة؟؟؟ وهل تنفع وسيلة اثبات؟؟

ده شركة كبيرة يعني انا طلبت يعوضوني بشكل مرضي مقابلتش الا استهزاء منهم وتبجح وعايز اقول لحضرتك ان خدمة العملاء بتوعهم بيقولولي مش هتوصل لحاجة وكنت مقدم شكاوي قالولي اتقفلت بقولهم ليه قالولي حققوا فيها وأمروا باغلاقها

أنا أسف ان دخلتكم في أسماء بس اعذرني أنا أصلي مخنوق جدا وحاسس بأهانة لا تتخيلها ومش عارف أجيب حقي ازاي انا حتى بس كنت منتظر منهم اعتذار حتى ده ملقتوش يعني حتى مش معترفين بالغلط والموظف بتاع خدمة العملاء بيكلمني كأني شغال عنده

في ناس نصحتني أقدم شكوى في الجهاز القومي لتنظيم الاتصالات وقالولي هما هيجيبوا حقك وكلام من ده بس دلوقتي ده شركة كبيرة وعندهم كل حاجة ويقدروا يغيروا في اي حاجة لكن انا معنديش اي وسيلة اثبات؟؟

ايه الحل يا معالي المستشار؟؟؟

معلش نسيت أقول لحضرتك

أنا كنت مقيم في عنوان قديم والفواتير بتيجي عليه

بعد معزلت طلبت منهم يبعتوا الفاتورة على العنوان الجديد لاني غيرته وأكدولي مش هتيجي على القديم قلتلهم القديم ده اوعى يجي عليه فواتير هتتفح أكدولي هتيجي كل المراسلات على الجديد مدام غيرت عنوانك

اللي حصل انهم بعتوا الفاتورة على عنواني القديم برضه برغم اني غيرته عن طريق خدمة العملاء وده خلا فاتورتي تتفح وارقامي تبقى مشاع للكل

فأنا طلبي منهم وقتها كان تغيير العنوان اللي بتوصل عليه الفواتير وطبعا تغيير عنواني في الحساب نفسه بتاعي للعنوان الجديد برضه اللي هتوصل عليه الفواتير بالطبع


السؤال دلوقتي أعمل ايه واتصرف ازاي؟؟؟

القضية ده تهمني قوي لأننني حاسس بأهانة شديدة علشان كده في دكتور كبير من كلية الحقوق من اللي كانو بيدرسوني طول عمره ودود معايا وبيحبني زي ابنه وهيمسكلي القضية وعملتله توكيل بالفعل
بس أنا مش عارف هتبقى ايه نتيجة القضية وده مقلقني جدا
أفيدوني أفادكم الله وأرجو الرد على اسئلتي السابقة

لابد ان تبعث لهم جواب مسجل بعلم الوصول وبعد ذلك اذا اصروا على العنوان القديم يحق لك ان تقاضيهم