طريقة كتابة بيانات وصل الامانه وخاصة الرقم القومي

السلام عليكم ورحمة الله وبركاته\اولا اشكر القائمين علي المنتدي الرائع والاعضاء فيه واسال الله ان يجعله في ميزان حسناتكم
انا سؤالي عن موضوع وصل امانه وطريقة كتابة البيانات فيه وسوف احكي لكم القصة
انا وضعت مالي عند صاحب شركة ادوية يقوم بالاستثمار الاسلامي فيها عن طريق شيخ اخر كان رشحه لي ويضع امواله عنده ايضا وللامانه الموضوع بقاله  4 سنين والمبلغ بيكبر عنده سواء بالارباح او باضافة جديدة مني والارباح بالنظام الاسلامي يعني جرد اخر السنة وياما خسارة او محبيبب وهو بيدني كل فترة وصل جديد بالمبلغ الجديد يعني لو حاطط مبلغ 10 الاف جنيه واخدت بيهم وصل بعد كام شهر مثلا بارجع الوصل القديم وباخد وصل جديد مثلا ب 11 الف جنيه والمشكلة هنا هي طريقة كتابة وصل الامانه وهو انه بيكتب الوصل بيكون اولا مكتوب بالالة الكاتبة وفي خانة بطاقة الرقم القومي بيكتب اول 6 ارقام فقط ويكتب جنبها سجل مدني مثلا مصر الجديدة  مثلا يعني وبيكتب عنوانه وانا لاحظت الموضوع ده وسالت المحاسبين عنده وكلهم كان ردهم نفس الرد وهي ان الارقام دي هي ارقام البطاقة فعلا والباقي تاريخ ميلاد مش مهم ينكتب في الوصل يعني  في بقية ال 14 رقم بتوع البطاقة
وزي ماقلت لكم الوصل بيبقي مكتوب بالكمبيوتر او الالة الكاتبة اكلاشيه فيه الاسم والعنوان بتاع صاحب الشركة وبينكتب المبلغ يدويا
وبيمضي بيخط ايده في خانة التوقيع فقط وبصراحة ساعات الموظفين بيمضوا برضه وبارجع لهم الوصل بعد فترة لما صاحب الشركة يرجع من سفره مثلا وبيكتب وصل بدالة بامضته هو
نا موضوع ده مش عارف مدي قانونيته وهل حقي كده لا سمح الله ممكن يضيع لو حصل اي ظروف في البلد او لصاحب الشركة دي ؟ واعمل ايه لاني محتار مابين ان مالي معظمه كله عنده ورزق حلال لا شك فيه وبيساعد علي مصاعب الحياة بدل الدخول في مشاريع ومشاكل وضرايب ومابين حق اولادي وان لاقدر الله لو المشكلة حصلت سوف تكون نهايتي لان زي ماقلت مصدر رزقي بنسبة 80 في المية لظروف صحية ايضا
ياريت حد يقولي الوضع القانوني ايه وهل فعلا كده الوصل صح مع العلم ان الوصل مفيهوش جملة لتوصيل المبلغ الي السيد فلان يعني مفيش طرف تالت
لايصال الامانه له
وهل يعتد بذلك الوصل امام المحاكم واعمل ايه بالظبط وجزاكم الله خيرا