السفر الحاضنة للخارج بالطفل

السلام عليكم ورحمة الله وبركاته

أنا كنت متزوجه من ست سنين لمده 3 شهور والحقيقة اني اكتفت انه كان متزوج قبلى ومخلوع وعنده طفلينأأا
والمعلومه دى اخفاها عننا وبعدين لقيت قضايا كتير مرفوعه عليه من أم الطفلين  وهى نفقة الأطفال وتحايله على القانون انه مايدفعهاش ونفقة دراستهم كمان وبعدين لقيت قضية فعل فاضح فى الطريق العام كانت معموله ليه فقررت انى انفصل
انفصلت بعد ثلاث شهور جواز لكن ربنا كان رزقنى بحمل وربنا رزقني ببنت وعشان انفصل اتنازلت عن كل مستحقاتى
ومنهم الشقه بتاعت الزواج ولما خلفت حدد للبنت 300 جنيه فى الشهر بزياده 10 % من أصل المبلغ 300 كل سنه
دفعها بس سنتين متأخر وليس مقدم يعنى مش شهرى انا الحمد لله ربنا رزقني بوظيفه واشتغلت او ما بنتى تمت ست شهور عشان اكيد مش هستني سنة كامله من غير ولا مليم اصرف عليها وبعدين هو تزوج تاني وسافر السعودية وماشافش البنت غير مره واحده بس من خمس سنين وامتنع عن انه يبعتلها اى حاجه ابدا وانا متكلفه بيها الحمد لله المهم انا ربنا رزقنى واتجوزت من سنه انسان على خلق وربنا بعته لبنتى عشان ما تحسش انها مالهاش اب وسند

سؤالى هو
لو ربنا كرمنا بسفر بره مصر للعمل او للفسحه او عمره موقفى ايه انا وبنتى ياريت لان الأراء متضاربه جدا وانا مش عارفه اتحرك ازاى انا كمان بدور اعمل قضيه ولاية تعليميه وحابه اوضح انه الطفلين من الزوجه الاولي الام اتنازلت عن الولد ليه عشان عنده مشكله فى المخ بسبب ضربه ليها وهى حامل ورفضه انه يديها فلوس علاجه فقالها خلاص اتنازليلى عنه ولما خده الولد اتبهدل معاه واتعذب ضرب منه حب انه يرجعه لامه رفضت راح مدخله دار أيتام وسافر وسابه
يعنى الطفل ابوه وامه على قيد الحياة وعايش فى ملجأ ياريت تفيدنى وأسفه انى طولت عليك هو طلق كمان الزوجه الثالثه وخد كل حقوقها بعد ضرب ليها ولأمها فى السعودية .

للعلم هو لسه فى السعودية مش بينزل مصر تقريبا ومش بنعرف عنه حاجه وهو حتى الشقة بتاعت الزواج باعها عشان زوجته الأولى أم الطفلين عرفت مكانها فخاف تعمل قضيه مسكن عشان هى حاضنه راح بايعها وخد شقة فى مكان تانى اللى اتجوز فيها الزوجه التالثه

وشكرا