استشارات قانونيه مجانيه



انضم إلى المنتدى ، فالأمر سريع وسهل

استشارات قانونيه مجانيه

استشارات قانونيه مجانيه

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
استشارات قانونيه مجانيه

موقعنا يقدم خدمه الاستشارات القانونيه المجانيه ويعاونك فى اتخاذ القرار السليم والحاسم فى كل شئونك القانونيه

تعلن اداره المنتدى عن تسهيل وتيسير اجراءات زواج الاجانب والاقامه فى جمهوريه مصر العربيه

عنوان صفحتنا على الفيس بوك تيسيرا للاعضاء الكرامhttps://www.facebook.com/estsharatqanoneh او صفحه استشارات قانونيه مجانيه على الفيس بوك

المواضيع الأخيرة

» استفسار عااااااااجل جدا
أين حصانة المحامي سيدي الفاضل محمد عبد الرازق؟؟ I_icon_minitimeالأحد نوفمبر 06, 2016 5:17 am من طرف michael.eltorky

» خطا غير مقصود ترتب عليه ما لم اتوقعه
أين حصانة المحامي سيدي الفاضل محمد عبد الرازق؟؟ I_icon_minitimeالأحد أكتوبر 30, 2016 11:18 am من طرف محمد أسامة

» اريد المساعدة فى استشارة قانونية فقد تعرضت لمحاولة نصب واحتيال
أين حصانة المحامي سيدي الفاضل محمد عبد الرازق؟؟ I_icon_minitimeالجمعة أكتوبر 28, 2016 7:13 pm من طرف alaaelnaggar

» الاعفاء من التجنيد لدواعي امنية
أين حصانة المحامي سيدي الفاضل محمد عبد الرازق؟؟ I_icon_minitimeالخميس أكتوبر 20, 2016 7:31 pm من طرف saif

» استشارة قانونية لمظلوم
أين حصانة المحامي سيدي الفاضل محمد عبد الرازق؟؟ I_icon_minitimeالخميس أكتوبر 13, 2016 3:54 am من طرف monpc2020

» استفسار عن تهرب من قرض
أين حصانة المحامي سيدي الفاضل محمد عبد الرازق؟؟ I_icon_minitimeالجمعة أكتوبر 07, 2016 11:34 pm من طرف اسلام محمد عبدالحليم

» طلب عودة من الاستقالة
أين حصانة المحامي سيدي الفاضل محمد عبد الرازق؟؟ I_icon_minitimeالأربعاء سبتمبر 28, 2016 7:59 am من طرف محمود 400 محمود

» السفر الحاضنة للخارج بالطفل
أين حصانة المحامي سيدي الفاضل محمد عبد الرازق؟؟ I_icon_minitimeالأربعاء سبتمبر 28, 2016 1:41 am من طرف Fatma

» تأخر سداد قرض سيارة
أين حصانة المحامي سيدي الفاضل محمد عبد الرازق؟؟ I_icon_minitimeالثلاثاء سبتمبر 20, 2016 6:27 am من طرف ahmedvev


2 مشترك

    أين حصانة المحامي سيدي الفاضل محمد عبد الرازق؟؟

    avatar
    goldenman2011


    عدد المساهمات : 4
    تاريخ التسجيل : 11/10/2010

    أين حصانة المحامي سيدي الفاضل محمد عبد الرازق؟؟ Empty أين حصانة المحامي سيدي الفاضل محمد عبد الرازق؟؟

    مُساهمة  goldenman2011 الإثنين أكتوبر 11, 2010 12:24 pm

    السلام عليكم ورحمة الله وبركاته
    أنا محامي حديث التخرج وكان نفسي أسأل في موضوع بس محتاج منك توضيح وافي للموضوع
    دلوقتي أنا واحد دخلت الكلية ده عن حب شديد جدا وبحترم المهنة ده جدا ومفتخر جدا بكوني محامي أحمل كارنيه نقابة المحامين
    بس دلوقتي سؤالي عن حصانة المحامي
    يه هيا حصانة المحامي سيادتك؟؟ أنا مش حاسس أن المحامي ليه حصانة أصلا
    أنا مش بطلب حصانة علشان أمشي أضرب الناس في الشارع أنا بتكلم عن الحصانة اللي على الأقل تضمنلي أني متظلمش مش طالب أكتر من كده
    سؤالي دلوقتي على بعض الأمور
    حاجة زي تعامل الشرطة مع الناس
    أولا أنا من الناس اللي بتحترم قوي عمل الشرطة والداخلية بس بحترم المحترمين بس وفي كتير محترمين وبيتفانوا في عملهم بس سؤالي عن الغير محترمين
    أنا قريت كتاب اسمه علشان متنضربش على قفاك والحقيقة الكتاب ده أضافلي كتير جدا من المعلومات اللي أصبحت سعيد بيها جدابس لسه في أسئلة مجنناني
    انا كمحامي لما أكون داخل على لجنة في الشارع.ايه الحماية اللي ممكن تتوفرلي كمحامي مع العلم اني ببقى سليم وماشي سليم ورخصي سليمة فأنا اقصد الحماية من الظلم
    دلوقتي اللي أعرفه من اكتاب اني مينفعش أدي الرخصة لأمين شرطة وحضرتك عارف أن ممكن أمين شرطة يعمل لجنة بمزاجه فهل الكلام ده صح لأن سمعت فتوى ان لو في ظابط موجود اديها للأمين عادي بس نفسي أفهم انهي ظابط اللي بيسأل عن الرخص وأنهي أمين أصلا هل ظابط المرور ولا ظابط القسم وهل ممكن ظابط القسم يسأل عن الرخص؟؟وهل ممكن أي ظابط في الشارع يسأل عن الرخص؟
    وأعرف ان اللجنة لازم يكون فيها ظابط القسم وظابط مباحث وظابط مرور هل التكوين ده لازم يكون موجود علشان تبقى اللجنة قانونية؟وهل لو مش موجود كده أنا أعمل ايه؟؟
    ودلوقتي افرض اديتهم الرخص واتلككولي على أي حاجة وده بيحصل كتير جدا يعني افرض معايا اختي وسألوني مين ده؟هوا مش مشكلته مين ده ومش من حقه يسأل بس افرض مجاوبتوش واستقصدني في أي حاجة ايه يحميني انه ميتلككش على اي حاجة؟؟ افرض مرضاش يديني الرخص وعملي اي مخالفة بمعنى أوضح اتلككلي مثلا.أعمل ايه وقتها؟؟
    قريت في الكتاب ان من حقي أسأل عن الكارنيه قبل مديه الرخص وبالفعل بقيت أعمل ده؟
    بس مهو لما أخد منه الكارنيه ده هيضايقه جدا وهيخليه ممكن يتلكك ويعملي أي مخالفة؟
    قريت في الكتاب ان من حقي اتصل ب 122 النجدة لو عايز يفتش العربيية مثلا
    بس السؤال دلوقتي 122 النجدة ده لحد ميجوا أنا هتصرف ازاي؟؟
    وايه مدى سلطته انه يثبت اني كنت متلبس بحاجةمثلا علشان يخلي التفتيش قانوني بحيث انه ميكونش محتاج اذن من النيابة؟
    وازاي اثبت حقي؟ يعني ازاي اثبت اني مكنتش في حالة تلبس ولا حاجة؟ خصوصا لو معيش حد في العربية يشهد معايا.وهوا لو معايا حد اصلا ينفع يشهد معايا ولا شهادته مجروحة؟؟
    وافرض حب يفتش العربية وأنا منعته بالقوة وقفلت الشبابيك مثلا؟أعمل ايه وقتها؟ وهل من حقه يحبيبر الزجاج أو يعمل حاجة مثلا؟؟ وهل ممكن يظبطها على اني قاومته مثلا؟
    المشكلة انهم حتى مبيقوموش حتى بتفتيش العربية بشكل أدمي يعني أنا شفتهم مرة بيفتشوا عربية العسكري عمال بيرزع في الأبواب وبيرزع في التابلوه يعني مش ده اخرتها الواحد يحصل معاه كده مش هستحمل ده اصلا وبعدين اللي هيضاعف ثورتي اني محامي وانا اصلا بالي مش طويل ومش بيهمني حد مهما كان هوا بس نفسي ده يبقى بالقانون يعني أبقى بتكلم بحقي قانونا.
    تاني حاجةايه حكاية قانون الطوارئ ده؟؟
    أنا عمال أسمع من ناس انهم بيتفتشوا والظابط يقولهم تفتيش طوارئ
    هوا ايه ده يا سيادة المستشار انا مبقتش فاهم اي حاجة
    ايه علاقة قانون الطوارئ بعربية تتفتش؟
    وهيا فين الطوارئ اصلا؟
    وهل الطوارئ اي حد يتفتش في الشارع ويتاخد وخلاص؟؟
    أو يتاخد اشتباه؟
    انا قريت في الكتاب ان الاشتباه اتلغى تقريبا
    ولما حد يتسأل عن البطاقة ومتكونش معاه قريت في الكتاب انه يدفع غرامة وبس؟؟
    ازاي يدفع غرامة ويمشي مهو ممكن يكون مطلوب في أي قضية أو هارب؟
    أنا مبقتش فاهم حاجة أصلا ومن أبسط حقوقي أعرف حقي فين وأعرف أحمي نفسي على الأقل
    مش ابقى الاسم محامي وحصانة وحاسس اني حتى مش عارف حقوقي كمواطن أساسا

    وياريت تهمني حتة المرور ده افرض الظابط اتلكك وقالي سرعة هوا بيحدد ازاي اني ماشي بسرعة برغم ان مفيش رادار ولا حاجة اساسا وازاي اثبت عحبيب كلامه؟؟
    واوقت يعملوا سير عكس مع العلم ان الشارع مهواش عحبيب أصلا
    ايه الحل في الكلام ده كله؟؟
    وأنا كمحامي ايه وضعي وايه الحماية اللي أنا فيها ؟؟
    ياريت ترد عليا رد طويل وممل لأنك مش هتبقى بتفدني أنا بس دنتا هتحبيبب ثواب في ملاييين المحامين
    avatar
    goldenman2011


    عدد المساهمات : 4
    تاريخ التسجيل : 11/10/2010

    أين حصانة المحامي سيدي الفاضل محمد عبد الرازق؟؟ Empty اضافة اخرى

    مُساهمة  goldenman2011 الإثنين أكتوبر 11, 2010 12:35 pm

    هوا اذا الظابط مرضيش يوريني الكارنيه همتنع ان اديله الرخص طب وبعدين؟؟
    افرض جيت امشي طاردوني وقالوا اني حبيبرت اللجنة ؟
    ولو مشفتش الكارنيه افرض مطلعش ظابط اساسا؟
    في ناس بتنصح بتقول خليه يفتش العربية مدام انت صح
    طب افرض فتشها وحطلي هوا فيها حاجة ومدام سبته يفتشها اللي اعرفه اني كده تنازلت عن حقي في المطالبة في بأذن النيابة
    بس ازاي في القضايا الجنائية المحامين بيدفعوا دايما بعدم وجود اذن من النيابة طب مهو الشخص ضيع حقه لما وافق
    ازاي المحامين بيدفعوا بكده وأوقات بياخدوا براءة

    وسمعت ان اوقات الظابط بيفتش العربية بدون اذن ولو مسك حجة بيعمل اذن بتاريخ اقدم من التفتيش.هوا ده عادي كده؟؟ وبيتثبت ازاي هل الطب الشرعي بيقدر يثبت؟؟

    هوا انا لو ماشي بالعربية وواحد زنق عليا وطلع ظابط مثلا وحصل مشكلة بينا يقدر يعملي مشكلة؟؟
    يقدر مثلا يقول انه شافني في وضع تلبس بعمل اي حاجة غلط؟؟

    هوا الظابط ده كلامه بيتصدق عني؟؟ يعني لو قال انه شافني مثلا بشرب حاجة او بعمل حاجةغلط فوقفي هوا يتصدق وأنا لو قلت ان كلامه غلط مش هتصدق؟؟ وهنا بتكلم لو مفيش شهود ولا حاجة

    هوا الظابط لما بيمسك حد مش بيجيب حاجة تأيد كلامه ولا هوا كده كده كلامه صح؟؟

    وحتة ان ممكن العساكر والأمناء يشهدوا طب مهم معاه وأكيد هيشهدوا في صفه الحل ايه في الموضوع ده؟؟

    هوا انا لو حد اتهمني بحاجة لازم أتحجز في القسم لحد متعرض على النيابة؟؟
    وأتحجز ليه وأنا لسه متثبتش عليا حاجة؟؟
    وهل ممكن أي حد يتهم حد بحاجة كمجرد أذى ليه علشان يتحجز؟؟
    ازاي اتصرف لو حصل معايا ده وعايزين يحجزوني في القسم؟
    وهل وضعي كمحامي يديني أي حماية؟؟ وافرض الظابط أصر يحجزني


    أرجوك ده قصة كبيرة ياريت تساعدنا فيها لأن محدش بقى فاهم حاجة



    وياريت بعد مترد عليا تتابعالموضوع دايما لأن عندي أسئلةملهاش أخر

    المستشار محمد عبد الرازق
    المستشار محمد عبد الرازق
    Admin


    عدد المساهمات : 727
    تاريخ التسجيل : 14/10/2009
    العمر : 54
    الموقع : جمهوريه مصر العربيه

    أين حصانة المحامي سيدي الفاضل محمد عبد الرازق؟؟ Empty رد: أين حصانة المحامي سيدي الفاضل محمد عبد الرازق؟؟

    مُساهمة  المستشار محمد عبد الرازق الإثنين أكتوبر 11, 2010 1:43 pm

    القانون والدستور قد راعى المشرع المصرى فيهما ان تكون للانسان كامل ومطلق الحريه وجعلها مصونه لاتمس وذلك فى اكثر من موضع من الدستور وقانون اجراءات الجنائيه ولكن للاسف ان ما يكتبه مامور الظبط مخالف تمام للحقيقه فهو بيشتبه وبيمسك وبيقبض وبعدين يفتش وبعدين يفبرك المحضر وهذا هو السائد اما عن اسئلتك التى ليس لها اخر ارجوك انا بحاول اوجد واوفر وقت بالعافيه للاجابه على اخونا المحتاجين للنصيحه والمشوره فى شتى امورهم القانونيه جعله الله فى ميزان حسناتى وصدقه جاريه على روح امى غفر الله لها ورحمها وشكرا لك

      الوقت/التاريخ الآن هو الأربعاء مايو 29, 2024 11:45 am